María Guerra, xornalista e crítica de cine, fala da imposición da mirada masculina, da limitación que supón que máis do 90% das películas sexan realizadas por homes e da invisibilización á que se somete ás xornalistas de máis de cincuenta anos nos medios.

A xornalista e escritora Nuria Labari fala sobre os mitos que rodean a maternidade e o seu lugar periférico como materia obxecto de pensamento sen deixar de ironizar acerca dos estereotipos que se lle impoñen ás mulleres.

Rosa Montero é xornalista e escritora. Desde finais de 1976 traballa de maneira exclusiva para o diario El País. A súa obra foi traducida a máis de vinte idiomas, é Doutora Honoris Causa pola Universidade de Porto Rico e Premio Internacional Columnistas do Mundo 2014.

Sindy Takanashi, creadora de contigo e divulgadora feminista conta a súa experiencia persoal como vítima de malos tratos e explotación sexual e denuncia a violencia machista contra as mulleres nas redes.

Hai mulleres columnistas, que escriben, que opinan, que abren blogues para posicionarse sobre a actualidade e a realidade na que viven, hai mulleres que dirixen medios e hai mulleres que introducen na axenda mediática temas e voces silenciados durante anos. María Varela, Fernanda Tabarés, Inma López Silva e Celia Blanco constitúen esta mesa de debate.

Celia Blanco é xornalista e colabora con El País no blog #LASCOSASDELATANA. Dirixe e presenta o programa 'Contigo dentro' na Cadena SER.

Anita Botwin é xornalista e guionista de series e programas de televisión. Actualmente escribe sobre diversidade funcional, feminismo e sexualidade.

Enma Gascó é ilustradora e deseñadora. Traballou como freelance no ámbito da redacción e a ilustración/deseño gráfico en Diagonal, Público, eldiario.es, Números Rojos, El Ecologista, Pikara Magazine e Otramérica, entre outros.

Diana López Varela é xornalista e guionista. Actualmente compaxina o seu traballo de guionista no programa Land Rober Tunai Show (TVG) con colaboracións como columnista nos xornais Diario de Pontevedra e elnacional.cat.

Lucía Taboada é xornalista e traballa na Cadena Ser. Ademais, escribe na revista masculina GQ e suma máis de 100.000 seguidoras e seguidores en Twitter.